صحفي منتديات شاعر القلوب الثلاثاء يونيو 22, 2010 2:03 am
اولا احب ارحب بكل اعضاء منتديات شاعر القلوب ، ويارب تكونوا كلكم بخير ، من اخر الاخبار اللي وصلت لنا عن شاعر القلوب هو انه قرر تأجيل البومه لفترة ومن خلال هذا الحوار هنعرف سبب تأجيل الالبوم، واخبار الكتاب
***********************************************
ص : ياترى سبب تأجيل الالبوم هو كتاب جيتاريست فقط ولا فيه سبب اخر ؟
ش : هو الكتاب سبب من الاسباب لأني محبتش انزل اكتر من عمل في وقت واحد عشان اقدر اخد اكبر فايدة من كل عمل بعمله
لكن كان فيه اسباب تانية منها ان الوقت نفسه مش مناسب اني انزل البوم وخصوصا اني لسة في البداية ومحدش يعرفني
فمنتظر الى وقت مناسب اكتر
********************************************************************************************
ص : كان في اخبار ان حضرتك عايز تنزل اغنية دينية في رمضان ، ياترى ايه سبب الغاء الفكرة ؟
ش : هو انا ملغتش الفكرة ولسة بحاول لتنفيزها لكن الالبوم كان بانتاج محدود وانتاج لصالح خاص وليس لشركة
وفكرة اني اعمل اغنية دينية دي هتكون على حسابي الخاص ولسة بحاول على تنفيذها وانشاء الله نسمعها في رمضان
*******************************************************************************************
ص :اغنية رمضان حاجة عادية واصبحت عادة عند المطربين انهم يقدموا عمل ديني في رمضان لكن اغنية بمناسبة العيد مش شايف انها غريبة شوية ؟
ش : لا بالعكس شايف انها فكرة محببة جدا وانشاء الله هتحقق نجاح وخصوصا اننا بقى لنا فترة محدش قدم عمل زي ده ، زمان كان في
كل مناسبة تلاقي اغنية وابداع للترفيه والتنفيس عن الناس مش للتجارة وده اللي احنا محتاجين له دلوقتي
*************************************************************************************************
ص : نتكلم بقى عن الكتاب ، ايه اللي دفعك لفكرة الكتاب ؟
ش : عشان اخد قرار الكتاب ده قعدت فترة كبيرة لان الموضوع مش سهل خصوصا ان تعليم الجيتار جزء من شغلي واللي هفقده بعد ما انزل الكتاب ده ، لكن انا لقيت كتير من الناس الموهوبين واللي حابيين يتعلموا هذه الآلة غير قادرين على تعلمها لان مدربين الجيتار غير متوفرين بكثرة بالاضافة الى غلاء اسعار التدريب ، فقررت اني اطرح هذا الكتاب ( جيتاريست )
*************************************************************************************************
ص : وياترى شايف ان الكتاب هيغني عن وجود المدرب او المعلم ؟
ش : بالفعل احنا درسنا الموضوع ده بدقة بالغة جدا ، وكان كل هدفنا انه يكون بمثابة مدرس خاص لديك ، لان يوجد الكثير من الكتب ولكنها تحتاج الى من لديه المعلومات عن الآلة لكي يتعلم منها ، لذلك قمنا بتوفير كل شيء بحيث يكون الكتاب وافي جدا وغاني عن المعلم ، فبه شرح بلغة عامية سهل وبسيطة ، بالاضافة الى الصورة المتالية للشرح لتوضيح كل هذا ، بالاضافة الى cd به فيديوهات لكل درس تتعلمه ، كل هذا شيء عادي ويمكن توافره ولكن اكبر ميزة هي توفيرنا في الكتاب لطريقة التعلم نفسها .
****************************************************************************************************
ص : اعتقد ان الكتاب + ال cd هيكون سعره غالي وهتواجهنا نفس المشكلة ؟
ش : انا عملت كل ده عشان اقدر اوصل الفائدة للناس اللي محتاجين لها واكيد عملنا حسابنا على ده
سعر الكتاب + ال cd هيكون 20 جنيه شامل شرح ( صولو - تاب - كوردات - نوتة )
****************************************************************************************************
ص : ممكن نعرف من حضرتك اماكن عرض وبيع الكتاب ؟
ش : الكتاب هيوزع في مصر والسعودية ، واماكن بيعه في مصر هتكون في جميع محلات شارع محمد علي لبيع الآلات الموسيقية بالاضافة الى المكتبات الكبرى في جميع محافظات مصر ، وسيتم الاعلان عن نزول الكتاب واماكن بيعه في قسم ( اعمال شاعر القلوب قريبا )
*****************************************************************************************************
ص : تمنياتي لحضرتك بالتوفيق وبكل نجاح
ش : شكرا واتمنى اني اقدر اعمل دايما كل حاجة تفيدكم وتسعدكم